சுஜித்தைப் பார்த்து டிவியில் மூழ்கிய பெற்றோர்; தண்ணீரில் விழுந்து இறந்தது குழந்தை!!

0
312
-Ads-

தூத்துக்குடி திரேஸ்புரம் பகுதியைச் சேர்ந்தவர் லிங்கேஸ்வரன். இவரது மனைவி நிஷா. இந்த தம்பதிகளுக்கு இரண்டு வயதில் ரேவதி சஞ்சனா என்ற பெண் குழந்தை உள்ளது.

தமிழகமே கடந்த நான்கு நாட்களாக சுஜித் திரும்பி வருவானா என்று டிவியில் காட்டப்பட்டு வந்த நேரலையை பார்த்துக் கொண்டு இருந்தனர். சுஜித் மீண்டு வர வேண்டும் என்பது அனைவரின் ஆதங்கமாக இருந்தது. இது உணர்வுபூர்வமாக அனைவரையும் கண் கலங்க வைத்த சம்பவமாக அமைந்துவிட்டது.

இந்த நேரலையை அனைவரையும் போல தூத்துக்குடி மீனவரான லிங்கேஷ்வரன் தனது மனைவி நிஷாவுடன் நேற்று மாலை பார்த்துக் கொண்டு இருந்தார். தங்களுக்குள் பேசிக் கொண்டு, வருத்தத்தை வெளிப்படுத்தியவாறு இருந்தனர்.

திடீரென தங்களது குழந்தை காணாமல் போனது தெரிய வந்தது. உடனே அக்கம் பக்கத்தில் தேடினர். குளியலறையில் தேடினர். அப்போது அங்கு வைக்கப்பட்டிருந்த தண்ணீர் கேனுக்குள் குழந்தை ரேவதி சஞ்சனா தலைக்குப்புற கவிழ்ந்து இருந்தது தெரிய வந்தது. குழந்தையை எடுத்துப் பார்த்தபோது மூச்சு திணறி மயங்கிய நிலையில் இருப்பது போன்று பெற்றோருக்கு தெரிந்தது. பெற்றோருக்கு துக்கம் நெஞ்சை அடைத்து, தவறு செய்துவிட்டோமே என்று ஆதங்கப்பட்டனர்.

குழந்தையை தூக்கிக்கொண்டு அருகில் இருக்கும் மருத்துவமனைக்கு ஓடினர். பரிசோதித்த மருத்துவர்கள் குழந்தை ஏற்கனவே இறந்துவிட்டதாக தெரிவித்தனர். துக்கம் தாங்காமல் பெற்றோர் கதறி அழுதனர். அருகில் இருந்தவர்கள் இவர்களை மனம் தேற்றினர்.

இயற்கைக்கு எதிரான மரணம் என்று வழக்கைப் பதிவு செய்து காவல்துறை விசாரித்து வருகிறது.

-Ads-

LEAVE A REPLY

Please enter your comment!
Please enter your name here